రియల్ వ్యాపారానికే సెజ్ లు: బాబు

కాకినాడ: రియల్ ఎస్టేట్ వ్యాపారం కోసమే ప్రత్యేక ఆర్థిక మండళ్ల (సెజ్ ల) ఏర్పాటుకు ప్రభుత్వం పూనుకుందని తెలుగుదేశం పార్టీ అధ్యక్షుడు నారా చంద్రబాబు నాయుడు విమర్శించారు. చంద్రబాబు మీకోసం చైతన్యయాత్ర గురువారం తూర్పు గోదావరి జిల్లాలో సాగింది. పెరుమాళ్ల పురంలో ఆయన సెజ్ బాధితులను పరామర్శించారు. అక్కడ రచ్చబండ నిర్వహించారు.

తాము అధికారంలోకి వస్తే సెజ్ ల విధానాన్ని పున పరిశీలిస్తామని ఆయన చెప్పారు. సెజ్ ల పేరు మీద కేంద్ర,రాష్ట్ర ప్రభుత్వాలు రైతుల నడ్డి విరుస్తున్నాయని ఆయన విమర్శించారు. తాము అధికారంలోకి వస్తే వెనకబడిన మత్స్యకారులను, యాదవులను ఆదుకుంటామని ఆయన చెప్పారు.