ప్రకాష్ రాజ్ పై అరెస్టు వారంట్

ఏలూరు: సినీ నటుడు ప్రకాష్ రాజ్ పై పశ్చిమ గోదావరి జిల్లా రామచంద్రాపురం కోర్టు శుక్రవారంనాడు నాన్ బెయిలబుల్ అరెస్టు వారంట్ జారీ చేసింది. చెక్ బౌన్స్ కేసులో కోర్టు ఆయనపై ఈ వారంట్ జారీ చేసింది. తనకు ప్రకాష్ రాజ్ ఇచ్చిన చెక్ చెల్లకపోవడంతో నల్లబెల్లి జనార్దన్ రెడ్డి అనే ఫైనాన్షియర్ కోర్టును ఆశ్రయించారు.

కోర్టుకు హాజరు కావాల్సిన ప్రకాష్ రాజ్ రాకపోవడంతో కోర్టు వారంట్ జారీ చేసింది. ప్రకాష్ రాజ్ జనార్దన్ రెడ్డి నుంచి తీసుకున్న సొమ్ముకు ఐదు లక్షల రూపాయల చెక్ ఇచ్చాడు. ఆ చెక్ చెల్లకపోవడంతో జనార్దన్ రెడ్డి కోర్టు ఆశ్రయించారు. ప్రకాష్ రాజ్ పై ఇప్పటికే తెలుగు నిర్మాతల మండలి నిషేధం విధించింది.