టిడిపి నేతలపై వేధింపులు: రోజా

గుంటూరు: కాంగ్రెస్ ప్రభుత్వం తెలుగుదేశం పార్టీ నాయకులను వేధింపులకు గురి చేస్తోందని తెలుగు మహిళ అధ్యక్షురాలు రోజా విమర్శించారు. పోలీసులు అధికార పార్టీకి తొత్తులుగా మారుతున్నారని ఆమె శుక్రవారం మీడియా ప్రతినిధులతో అన్నారు. తమ పార్టీ నాయకుడు కోడెల శివప్రసాదరావుపై పోలీసులు అక్రమ కేసులు బనాయించడాన్ని ఆమె తప్పు పట్టారు. ఫిర్యాదు వస్తే కేసు పెట్టడం తమ ధర్మమని గుంటూరు జిల్లా ఎస్పీ అంటున్నారని, అయేషా హత్య కేసులో మంత్రి కోనేరు రంగారావు బందువులపై ఫిర్యాదు చేస్తే ఎందుకు కేసులు పెట్టలేదని ఆమె అన్నారు.

గుంటూరులో ఆమె తెలుగు మహిళ కార్యకర్తలతో కలిసి ఆబ్కారీ కార్యాలయం ముందు ధర్నా చేశారు. బెల్టు షాపులను వ్యతిరేకిస్తూ ఆమె మద్యం సీసాలను పగులగొట్టారు. దశలవారీగా మద్యనిషేధాన్ని విదిస్తామని చెప్పిన ప్రభుత్వం దశలవారీగా మద్యం అమ్మకాలను పెంచుతోందని ఆమె వ్యాఖ్యానించారు.