కత్రినాను పెళ్లి చేసుకుంటా: సల్మాన్

ముంబయి: అందాల తార కత్రినా కైఫ్ ను పెళ్లి చేసుకునే విషయమై ఎట్టకేలకు బాలీవుడ్ నటుడు సల్మాన్ ఖాన్ గొంతు విప్పాడు. తాను తప్పకుండా కత్రినాను పెళ్లి చేసుకుంటానని, అయితే పెళ్లి ఎప్పుడనేది నిర్ణయించుకోలేదని అతను అంటున్నాడు. తాను కత్రినాను గాఢంగా ప్రేమిస్తున్నానని, ఆమెను పెళ్లి చేసుకుంటానని, ఆమె తల్లిదండ్రులు కూడా ఇదే కోరుకుంటున్నారని అతను అన్నాడు.

తన వ్యక్తిగత జీవితంపై సల్మాన్ ఖాన్ మీడియా ముందు మాట్లాడడు. కానీ ఎందుకో ఈసారి మీడియా ముందుకు వచ్చాడు. కత్రినాకు, తనకు మధ్య గల సంబంధాలపై వస్తున్న వార్తలన్నీ వదంతులేనని అతను అన్నాడు. కత్రినాను తాను కొట్టినట్లు వచ్చిన వార్తలపై ప్రతిస్పందిస్తూ మీడియా ఎక్కువ చేసి చూపిందని అన్నాడు.