గోరింటాకు సీన్లు కట్: సెన్సార్ బోర్డు

హైదరాబాద్: గోరింటాకు సినిమాలోని అభ్యంతరకర సన్నివేశాలను తొలగించాలని సెన్సార్ బోర్టు నిర్మాతకు హెచ్చరికలు జారీ చేసింది. తమను కించపరిచే సన్నివేశాలు ఉన్నాయని ఆరోపిస్తూ వికలాంగులు బుధవారం ధర్నా చేసిన నేపథ్యంలో సెన్సార్ బోర్డు ఆ ఆదేశాలు జారీ చేసింది. సున్నితమైన అంశాల పట్ల నిర్మాతలు జాగ్రత్తగా ఉండాలని సెన్సార్ బోర్టు సభ్యురాలు శోభారాణి అన్నారు.

అభ్యంతరకర సన్నివేశాలు ఉండకూడదని తాము నిర్మాతలకు హెచ్చరికలు జారీ చేస్తూనే ఉన్నామని ఆమె చెప్పారు. ఇక ముందు సినిమాల సెన్సారింగులో మరింత జాగ్రత్తలు తీసుకుంటామని ఆమె చెప్పారు. గోరింటాకు సినిమా సన్నివేశాల విషయంలో ఆమె వికాలాంగులకు క్షమాపణలు చెప్పారు.