గాంధీ పాటకు మోహన్ బాబు అనువాదం

తిరుపతి: జాతిపిత మహాత్మా గాంధీ రాసిన ఓ ప్రబోధ గీతం ఆడియో క్యాసెట్ ను సినీ నటుడు మోహన్ బాబుకు చెందిన తిరుపతిలోని శ్రీవిద్యానికేతన్ పాఠశాలలో బుధవారం ఆవిష్కరించారు. మహాత్మా గాంధీ హిందీలో రాసిన ఈ గేయం ఆడియో క్యాసెట్టును ఆదిత్యా బిర్లా గ్రూప్ మోహన్ బాబుకు అందజేసింది. ఈ గేయానికి ప్రముఖ సంగీత దర్శకుడు ఇళయరాజా స్వరకల్పన చేశారు.

ఈ పాట విడుదల కార్యక్రమంలో గాంధీ గేయానికి మోహన్ బాబు తెలుగు అనువాదం వినిపించారు. దేశాన్ని కీర్తిస్తూ ప్రజల ఐక్యతను చాటి చెప్పే గేయాన్ని గాంధీ రాశారు. గాంధీ గేయానికి స్వరకల్పన చేయడం తనకెంతో ఆనందంగా ఉందని ఇళయరాజా చెప్పారు.