ప్రత్యర్థులపై నయనతార ఫిర్యాదు

చెన్నై: చేసుకున్నవారికి చేసుకున్నంత అంటారు. దక్షిణాది అందాల తార నయనతారను తమిళ నటుడు శింబు ప్రేమ వ్యవవారం వదలడం లేదు. శింబుతో కలిసి నయనతార ఇచ్చిన ప్రైవేట్ పోజుకు సంబంధించిన నకిలీ ఎంఎంఎస్ క్లిప్ లు పెద్ద యెత్తున చలామణిలోకి వచ్చాయి. దీనిపై నయనతార చెన్నై పోలీసులకు ఫిర్యాదు చేసింది. తన ప్రత్యర్థులే దీనికి పాల్పడ్డారని ఆమె ఆరోపించింది. తాను నటించిన భారీ బడ్జెట్ చిత్రాలు కుచేలన్, సత్యం ఆగస్టులో విడుదల కానున్న నేపథ్యంలో తన కీర్తీప్రతిష్టలకు ఈర్ష్యపడిన తన ప్రత్యర్థులే ఆ క్లిప్ లను చెలమణిలోకి తెచ్చారని ఆమె చెబుతోంది.

రెండేళ్ల క్రితం నయనతార శింబుతో పీకల లోతు ప్రేమలో కూరుకుపోయిన విషయం తెలిసిందే. అయితే ఆమె ఆ తర్వాత శింబుతో తెగదెంపులు చేసుకుంది. మార్ఫింగ్ చేసిన ఎంఎంఎస్ క్లిప్ ల వ్యవహారం తిరుచిలో పాదులు వేసుకున్నట్లు చెబుతున్నారు. అప్పటి నుంచి అవి పెద్ద యెత్తున చెలామణిలోకి వచ్చాయి. ఈ క్లిప్పుల్లో నయనతార, శింబుల ప్రైవేట్ దృశ్యాలున్నాయి. శింబును నయనతార ముద్దు పెట్టుకున్న చిత్రం కూడా రెండు నెలల క్రితం చెలామణిలోకి వచ్చింది. అది పత్రికల్లో కూడా అచ్చయింది. నయనతార ఫిర్యాదుపై చెన్నై పోలీసులు కేసు నమోదు చేశారు. ఇప్పటి వరకు ఎవరినీ అరెస్టు చేయలేదని పోలీసులు చెప్పారు.