చిరంజీవికి అంత సీన్ లేదు: రఘువీరారెడ్డి

న్యూఢిల్లీ: రాష్ట్ర రాజకీయాల్లో చిరంజీవి పార్టీకి పెద్ద సీన్ ఉండదని రాష్ట్ర వ్యవసాయ మంత్రి రఘువీరారెడ్డి అన్నారు. టిడిపి, చిరంజీవి పార్టీలు రెండో స్ధానం కోసం పోరాడుతాయని ఆయన అభిప్రాయపడ్డారు. రాష్ట్రంలో కాంగ్రెస్ కు సాటి రాగల పార్టీలు లేవని ఆయన అన్నారు.

చిరంజీవి పార్టీ చిరుగాలిలా వచ్చినా, సునామీలా వచ్చినా తమకు నష్టం లేదని రఘువీరా అన్నారు. సునామీ ప్రభావం కొన్ని జిల్లాలకే పరిమితమవుతుంది తప్ప రాష్ట్ర వ్యాప్తంగా ఉండదని ఆయన అభిప్రాయపడ్డారు. రాష్ట్రంలో ప్రతి ఒక్కరూ తమ తమ ప్రభుత్వ పథకాల్లో ఏదో ఒకదాని వల్ల లబ్ది పొందిన వారే ఉన్నారని, అదే వచ్చే ఎన్నికల్లో తమకు శ్రీరామ రక్ష అని ఆయన తెలిపారు.