కన్నీరు పెట్టిన సైనా తండ్రి

హైదరాబాద్: బీజింగ్ ఒలింపిక్స్ బాడ్మింటన్ క్వార్టర్ పైనల్లో సైనా నెహ్వాల్ ఓడిపోవడంతో ఆమె తండ్రి హరివీర్ సింగ్ విలపించారు. ఆయన హైదరాబాదులోని వ్యవసాయ విశ్వవిద్యాలయంలో పనిచేస్తారు. సైనా తల్లి అనారోగ్యంతో మీరట్ లో చికిత్స పొందుతున్నారు. సైనా ఫైనల్ దాకా చేరుకుని భారత ప్రతిష్టను మరింత ఇనుమడింపజేస్తుందని ఆశించామని, దురదృష్టవశాత్తు ఓడిపోయిందని ఆయన ఒక ప్రైవేట్ టీవీ చానెల్ తో అన్నారు.

సైనా నెహ్వాల్ కు తగిన సత్తా ఉందని, క్వార్టర్ ఫైనల్ సైనా పోరాడి ఓడిందని ఆయన అన్నారు. ఈ అపజయంతో సైనా కృంగిపోదని, ఆమె మానసిక దృఢత్వం గొప్పదని ఆయన అన్నారు. మరింత ముందుకు సాగడానికి ఆమె తగిన కృషి చేస్తుందని ఆయన అన్నారు. సైనా తనతో నిన్న మాట్లాడిందని, పైనల్ చేరుకుంటానని ఆమె విశ్వాసం వ్యక్తం చేసిందని ఆయన అన్నారు.