చిరు విధానాలు చూశాకే..: నారాయణ

హైదరాబాద్: మెగాస్టార్ చిరంజీవి పార్టీ విధివిధానాలు చూసిన తర్వాత పొత్తు గురించి ఆలోచిస్తామని సిపిఐ రాష్ట్ర కార్యదర్శి కె. నారాయణ చెప్పారు. రాష్ట్రంలో తృతీయ ప్రత్యామ్నాయ ఏర్పాటుకు పరిస్థితులు అనుకూలంగా లేవని ఆయన గురువారం మీడియా ప్రతినిధులతో అన్నారు. అంత మాత్రాన కూటములు ఉండవని చెప్పడం లేదని, సామాజిక, ఆర్థిక విధానాలపై ఆధారపడి కూటములు ఉంటాయని ఆయన చెప్పారు.

రాష్ట్రంలో మహా కూటమి అయిపోయిందని, కాంగ్రెసుకు పరిస్థితి అనుకూలంగా మారిందని వస్తున్న విమర్శలు సరి కావని, రాజకీయ సామర్థ్యం, పార్టీల విధివిధానాలపై ఆధారపడి కూటముల ఏర్పాటు జరుగుతుందని ఆయన చెప్పారు. కోస్తా కారిడార్ పై అసెంబ్లీని ముట్టడించనున్నట్లు ఆయన తెలిపారు.