కాశ్మీర్ లో హక్కుల ఉల్లంఘన: ముషార్రఫ్

న్యూఢిల్లీ: పాకిస్తాన్ అధ్యక్షుడు పర్వేజ్ ముషార్రఫ్ తన స్వాతంత్ప్య దినోత్సవ ప్రసంగంలో కాశ్మీర్ అంశాన్ని ప్రస్తావించారు. కాశ్మీర్ లో మానవ హక్కుల ఉల్లంఘన జరుగుతోందని ఆయన అన్నారు. స్వాతంత్ర్య దినోత్సవం సందర్భంగా ఆయన ఒక టెలివిజన్ ద్వారా జాతినుద్దేశించి ప్రసంగించారు. ప్రతి పాకిస్తానీ కాశ్మీరీ సోదర సోదరీమణుల వెనక ఉన్నారని ఆయన అన్నారు. కాశ్మీరీల కోసం పాకిస్తానీల గుండెలు కొట్టుకుంటున్నాయని ఆయన అన్నారు.

పాకిస్తాన్ లో రాజకీయ స్థిరత్వం అవసరమని ఆయన అన్నారు. రాజీనామా చేయాలనే ఒత్తిడి పెరుగుతున్న నేపథ్యంలో ఆయన ఈ ప్రసంగం చేశారు. ఆర్థిక, భద్రతా సమస్యల పరిష్కారానికి ఏకాభిప్రాయం అవసరమని ఆయన అన్నారు. మనం ఆర్థిక పరిస్థితిని సరైనా మార్గంలో పెట్టాలనుకుంటే, ఉగ్రవాదానికి వ్యతిరేకంగా పోరాడాలనుకుంటే రాజకీయ స్థిరత్వం అవసరమని ఆయన అన్నారు.