అల్లు అరవింద్ తో కారెం శివాజీ భేటీ

హైదరాబాద్: మాల మహానాడు నేత కారెం శివాజీ సోమవారం మెగాస్టార్ చిరంజీవితో బావ మరిది అల్లు అరవింద్ తో సమావేశమయ్యారు. అల్లు అరవింద్ తో ఆయన పలు విషయాలపై చర్చించారు. చిరంజీవి పార్టీ కార్యాలయంలో ఈ సమావేశం జరిగింది. చిరంజీవి పార్టీలో చేరాలా, వద్దా అనే విషయంపై తమ కమిటీలో చర్చించి నిర్ణయం తీసుకుంటామని కారెం శివాజీ విలేకరులతో చెప్పారు.

దళిత రచయిత కత్తి పద్మారావు చిరంజీవి పార్టీలో చేరిన నేపథ్యంలో కారెం శివాజీ భేటీ ప్రాధాన్యత సంతరించుకుంది. కత్తి పద్మారావు లాంటివారి అనుభవం తమకెంతో ఉపయోగపడుతుందని చిరంజీవి అన్నారు. మొదటి అడుగు కత్తి పద్మారావులాంటివారితో కావడం శుభపరిణామమని ఆయన అన్నారు. గత 30 యేళ్లుగా ఆశిస్తున్న మూడో శక్తి చిరంజీవి రూపంలో వచ్చిందని, దీంతో తాను చిరంజీవి పార్టీలో చేరుతున్నానని కత్తి పద్మారావు అన్నారు.