బిసీలకు కాంగ్రెస్ పెద్ద పీట: డి.శ్రీనివాస్

హైదరాబాద్: కాంగ్రెస్ పార్టీ వచ్చే అసెంబ్లీ ఎన్నికల్లో వెనుకబడిన కులాలకు వందకు పైగా టికెట్లు ఇవ్వనున్నట్టు పిసిసి అధ్యక్షుడు డి శ్రీనివాస్ గురువారం ఇక్కడ చెప్పారు. గతంలో డి నాగేందర్ తనపై చేసిన వ్యాఖ్యలు తీవ్రమైనవైనా తాను పట్టించుకోవడం లేదని ఆయన అన్నారు.

వచ్చే అసెంబ్లీ ఎన్నికల్లో ఎస్సీలకు రిజర్వు కాని జనరల్ స్ధానాల్లో కూడా ఎస్సీలకు టికెట్ ఇస్తామని శ్రీనివాస్ చెప్పారు. పెండింగ్ లో ఉన్న డిసిసి అధ్యక్షులను త్వరలో ఎంపిక చేస్తామని ఆయన చెప్పారు. ముఖ్యమంత్రి రాజశేఖరరెడ్డితో తనకు ఎటువంటి విభేదాలు లేవని, డిసిసి అధ్యక్షుల ఎంపికలో సామాజిక న్యాయాన్ని పాటించామని ఆయన తెలిపారు.