మహాత్మా గాంధీ నా హీరో: చిరు

హైదరాబాద్: తన అభిమాన హీరో మహాత్మా గాంధీ అని చిరంజీవి అన్నారు. తెలుగు ప్రైవేట్ చానెల్ ఎన్టీవికి ఇచ్చిన ఇంటర్వ్యూలో ఆయన ఈ విషయం చెప్పారు. తాను చార్లీ చాప్లిన్ ను, ఎస్వీ రంగారావును అభిమాన నటులుగా చాలా సార్లు చెప్పానని ఆయన అన్నారు. తాను పోషించిన పాత్రల్లో తాను ఆయా సినిమాల్లో నటించినప్పుడు అభిమానించిన పాత్రలున్నాయని ఆయన అన్నారు. ప్రాణం ఖరీదులో, స్వయంకృషిలో పాత్ర తనకు నచ్చాయని అంటూ మరికొన్ని సినిమాల్లోని పాత్రలను కూడా ఆయన ఉదహరించారు.

రాజకీయాల్లో తనకు రికార్డు సృష్టించాలని లేదని, తన ఉద్దేశం అది కాదని ఆయన అన్నారు. తాను ఒలింపిక్స్ క్రీడలు ఆడడం లేదని, ఒలింపిక్స్ టార్చ్ పట్టుకున్నానని ఆయన వ్యాఖ్యానించారు. తన పార్టీ పేరు, విధివిధానాల గురించి ప్రశ్నించగా తినబోతూ రుచి ఎందుకని ఆయన అడిగారు.