ఎన్టీపిపి బహిరంగ సభ ప్రారంభం

హైదరాబాద్: తెలంగాణ రాష్ట్ర సాధన లక్ష్యంగా ఏర్పాటైన నవ తెలంగాణ ప్రజా పార్టీ (ఎన్టీపిపి) ఆవిర్భావ సభ బుధవారం సాయంత్రం హైదరాబాదులోని నిజాం కళాశాల మైదానంలో ప్రారంభమైంది. తెలంగాణ నలు మూలల నుంచి వేలాది మంది ఈ సభకు తరలి వచ్చారు. మధ్యాహ్నం రెండు గంటల నుంచే ప్రజలు మైదానానికి చేరుకోవడం ప్రారంభించారు. తెలంగాణ కళాకారులు తెలంగాణ వెనకబాటుతనంపైనే కాకుండా తెలంగాణ సాంస్కృతిక ఔన్నత్యంపై ప్రదర్శనలు ఇచ్చారు.

పార్టీ నేత టి. దేవేందర్ గౌడ్ మైదానానికి చేరుకున్నారు. పార్టీ విధివిధానాలను ఆయన సభలో వివరిస్తారు. నాయకులు ఇ. పెద్దిరెడ్డి, విఠల్ పార్టీ కార్యక్రమాలపై వివరించారు. దేవేందర్ గౌడ్ వేదిక ముందు కూర్చుని సాంస్కృతిక ప్రదర్శనలను తిలకించారు.