రాజ్ కుంద్రాను పెళ్లి చేసుకుంటా: శిల్పా

లండన్: మరో ఏడాదిన్నరలోగా తన బాయ్ ఫ్రెండ్ రాజ్ కుంద్రాను పెళ్లి చేసుకుంటానని బాలీవుడ్ నటి శిల్పా శెట్టి చెప్పారు. అమెరికాకు చెందిన బిగ్ బ్రదర్ రియాల్టీ షోతో ఆమె అంతర్జాతీయ సెలిబ్రెటీ అయ్యారు. తాను సాధారణంగా వ్యక్తిగత విషయాలు మాట్లాడబోనని, తాను పెళ్లి చేసుకోబోయే వ్యక్తి పేరు రాజ్ కుంద్రా అని, తాము ఏడాది క్రితం కలుసుకున్నామని ఆమె చెప్పారు. వచ్చే ఏడాదిన్నర వరకు తన చేతి నిండా పని వుందని, అయితే అప్పటి వరకు తాను పెళ్లి గురించి ఆలోచించే తీరిక లేదని, ఆ తర్వాత తప్పకుండా పెళ్లి చేసుకుంటానని, తాను కుటుంబ జీవితం కోసం తపిస్తున్నానని, కనీసం ఇద్దరు పిల్లలను కంటానని ఆమె ది లండన్ న్యూస్ పత్రికతో చెప్పారు.

జేమ్స్ బాండ్ మూవి క్వాంటమ్ ఆఫ్ సైన్స్ లో ఆమె రెండు నిమిషా పాటు కనిపిస్తుంది. ఆమె చేతిలో హాలీవుడ్ ఆసైన్ మెంట్స్ తో పాటు ఇతర అసైన్ మెంట్స్ కూడా ఉన్నాయి. మార్క్ ఫోర్సస్టర్ దర్శకత్వం వహిస్తున్న హాలీవుడ్ సినిమాలో ఆమె భారతీయ మహిళగా నటిస్తోంది. అంతే కాకుండా బిగ్ బాస్ రియాల్టీ షోను కూడా నిర్వహిస్తోంది.