వైయస్, మోహన్ బాబుల మధ్య వియ్యం?

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డి, ప్రముఖ సినీ నటుడు మోహన్ బాబు వియ్యమందుకోబోతున్నట్లు వార్తలు వస్తున్నాయి. దీనికి సంబంధించి ఒక ప్రైవేట్ టీవీ చానెల్ బ్రేకింగ్ న్యూస్ కింద వార్తను ప్రసారం చేసింది. మోహన్ బాబు కుమారుడు మంచు విష్ణు వైయస్ రాజశేఖర రెడ్డి సోదరుడు వైయస్ సుధాకర్ రెడ్డి కూతురు వెరోనిక పెళ్లి చేసుకోబోతున్నట్లు ఆ వార్తా సారాంశం.

ఈ వివాహానికి సంబంధించి మోహన్ బాబు వచ్చే ఆదివారం ముఖ్యమంత్రి డాక్టర్ వైయస్ రాజశేఖర రెడ్డిని కలుసుకుంటారని కూడా వార్త వచ్చింది. వెరోనిక రాష్ట్ర ప్రభుత్వ సలహాదారు, ప్రముఖ పారిశ్రామికవేత్త సిసి రెడ్డికి మనవరాలు అవుతుందని సమాచారం.