పనిచేసేవారికే టికెట్లు: డిఎస్

హైదరాబాద్: వచ్చే ఎన్నికల్లో పనిచేసేవారికే టికెట్లు వస్తాయని ప్రదేశ్ కాంగ్రెస్ కమిటీ (పిసిసి) అధ్యక్షుడు డి. శ్రీనివాస్ చెప్పారు. ప్రభుత్వ కార్యక్రమాలను ప్రజల్లోకి తీసికెళ్లాలని ఆయన పార్టీ శాసనసభ్యులకు, శాసనమండలి సభ్యులకు సూచించారు. శాసనసభ్యులు, శాసనమండలి సభ్యులతో ఆయన సోమవారం సమావేశమయ్యారు. జిల్లాలవారీగా సమీక్ష చేస్తున్నారు. మంత్రులు, ఇంచార్జీ మంత్రులు కూడా ఈ సమావేశాల్లో పాల్గొంటున్నారు.

ఎవరు పనిచేస్తున్నారో, ఎవరు పనిచేయడం లేదో తనకు తెలుసునని శ్రీనివాస్ అన్నట్లు తెలుస్తోంది. ప్రభుత్వ కార్యక్రమాలను పార్టీ పరంగా ప్రజల్లోకి తీసికెళ్లాలని ఆయన సూచిస్తున్నారు. పార్టీ సభ్యత్వ నమోదు కార్యక్రమాన్ని ఉద్యమంలా చేపట్టాలని ఆయన సూచించారు. కొత్త పార్టీలు వచ్చినా తమకు నష్టం లేదని ఆయన అన్నారు. ప్రభుత్వ అభివృద్ధి, సంక్షేమ కార్యక్రమాలు ప్రజలకు చేరే విధంగా చూడాలని ఆయన సూచించారు.