షేర్ మార్కెట్ కు కుటుంబం బలి

హైదరాబాద్: షేర్ మార్కెట్ సంక్షోభం హైదరాబాదులోని ఓ కుటుంబాన్ని పొట్టన పెట్టుకుంది. షేర్ మార్కెట్ లో పెట్టుబడుల కోసం భారీగా అప్పులు చేసిన ఉపేందర్ అనే వ్యక్తి తన కుటుంబ సభ్యులతో కలిసి ఆత్మహత్య చేసుకున్నాడు. హైదరాబాదులోని సైదాబాద్ లో ఈ విషాద సంఘటన చోటు చేసుకుంది.

గ్యాస్ సిలిండర్ పేలి ఉపేందర్ తో పాటు అతని భార్య స్వాతి, ఇద్దరు పిల్లలు మృతి చెందారు. అప్పుల బాధ తట్టుకోలేకనే ఈ కుటుంబం ఆత్యహత్య చేసుకున్నట్లు అనుమానిస్తున్నారు. వారి ముఖాలు గుర్తు పట్టలేనంతగా కాలిపోయాయి. గురువారం ఉదయం ఇంట్లోనుంచి పొగలు వస్తుండడంతో స్థానికలు పోలీసులకు సమాచారం అందించారు. దీంతో పోలీసులు వచ్చి చూసే సరికి నలుగురు మరణించి ఉన్నారు.