అవకతవకలపై కఠిన చర్యలు: వైయస్

హైదరాబాద్: జాతీయ ఉపాధి హామీ పథకంలో అవకతవకలు జరిగితే కఠిన చర్యలు తీసుకుంటామని ముఖ్యమంత్రి డాక్టర్ వైయస్ రాజశేఖర రెడ్డి అధికారులను హెచ్చరించారు. జిల్లా కలెక్టర్లతో ఆయన గురువారం వీడియో కాన్ఫరెన్స్ నిర్వహించారు. ఎరువుల కొరత, ఇందిరమ్మగృహాలు, సాగునీటి ప్రాజెక్టులు, సంక్షేమాలపై ఆయన జిల్లా కలెక్టర్లతో మాట్లాడారు.

వచ్చే నవంబర్ 1వ తేదీ నాటికి కొత్త పింఛన్లు మంజూరు చేస్తామని ఆయన చెప్పారు. నవంబర్ రెండో తేదీన నాలుగో విడత కళ్యాణమస్తు కార్యక్రమాన్ని చేపట్టనున్నట్లు ఆయన తెలిపారు. ఇందిరమ్మ పథకం కింద 1.5 లక్షల మందికి ఇళ్ల పట్టాలు ఇస్తామని ఆయన చెప్పారు. రబీలో ఎరువుల కొరత లేకుండా చూస్తామని ఆయన హామీ ఇచ్చారు.