పొత్తుల ఆలోచన లేదు: దేవేందర్

వరంగల్: పొత్తులపై తాము ఇప్పుడే ఆలోచించడం లేదని నవ తెలంగాణ ప్రజా పార్టీ (ఎన్టీపిపి) నేత టి. దేవేదందర్ గౌడ్ చెప్పారు. ముందు ఉద్యమాన్ని బలోపేతం చేసిన తర్వాత పొత్తుల విషయం ఆలోచిస్తామని ఆయన శుక్రవారం చెప్పారు. దేవేందర్ గౌడ్ తెలంగాణ ఆత్మ గౌరవ యాత్ర శుక్రవారం వరంగల్ జిల్లాలో సాగుతోంది. తెలంగాణ శక్తుల ఏకీకరణకు తానే చొరవ చూపుతానని ఆయన చెప్పారు.

తెలంగాణ రాష్ట్ర సాధనే అంతిమ లక్ష్యమని ఆయన చెప్పారు. పరిశ్రమలు నెలకొల్పి ముఖ్యమంత్రి డాక్టర్ వైయస్ రాజశేఖర రెడ్డి ఎంత మందికి ఉపాధి కల్పించారో శ్వేతపత్రం విడుదల చేయాలని ఆయన డిమాండ్ చేశారు. తెలంగాణ పార్టీల మధ్య అవగాహనకు తాను చొరవ చూపుతానని తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖరరావు ఇది వరకే ప్రకటించారు.