వ్యక్తిగత విమర్శలను పట్టించుకోను: చిరంజీవి

హైదరాబాద్‌ : తనపై చేసే వ్యక్తిగత విమర్శలకు స్పందించబోమని ప్రజారాజ్యం పార్టీ అధ్యక్షుడు చిరంజీవి అన్నారు. సిరిసిల్ల కార్మికుల స్థితిపై తాను చలించాను కాబట్టే స్పందించాల్సివచ్చిందని ఆయన తెలిపారు. అక్టోబరు మొదటివారంలో జిల్లా పర్యటనలకు వెళ్లనున్నట్టు చిరు వెల్లడించారు. సిరిసిల్ల చేనేత కార్మికుల సమస్యలపై అధ్యయనం చేసేందుకు కేఎస్‌ఆర్‌ మూర్తి సారథ్యంలో ఒక కమిటీని ఏర్పాటు చేసున్నట్టు ఆయన చెప్పారు.

సిరిసిల్ల ప్రజాప్రతినిధి మీద తాను విమర్శలు చేయలేదని చిరంజీవి అన్నారు. చిరంజీవి పార్టీ కార్యాలయం ఇన్ చార్జి అయిన కె ఎస్ ఆర్ మూర్తి, అసంతృప్తితో ఈ మధ్య పార్టీ కార్యాలయానికి రావడం లేదని విమర్శలు వస్తున్న నేపధ్యంలో ఇప్పుడు చిరంజీవి మూర్తికి ఒక ముఖ్య బాధ్యత అప్పగించడం విశేషం.