విజయవాడలో 'ఆరోగ్య శ్రీ' ప్రారంభించిన సిఎం

విజయవాడ: కృష్ణా జిల్లా పర్యటనలో భాగంగా ముఖ్యమంత్రి రాజశేఖరరెడ్డి విజయవాడలో శనివారం మధ్యాహ్నం రాజీవ్‌ ఆరోగ్యశ్రీ బీమా పథకాన్ని ప్రారంభించారు. చనుమోలు విగ్రహావిష్కరణ అనంతరం ఆయన విజయవాడలోని సింగ్‌నగర్‌ చేరుకున్నారు.

అక్కడ జరిగిన ప్రారంభోత్సవ కార్యక్రమం అనంతరం బహిరంగసభలో పాల్గొన్నారు. ఆరోగ్యశాఖ మంత్రి గల్లా అరుణ కుమారి మాట్లాడుతూ రాష్ట్రంలో ఎందరో పేదలు సరైన వైద్యసేవలు అందక మరణించటం చూసిన ముఖ్యమంత్రి చలించిపోయి చరిత్రాత్మకమైన ఈ ఆరోగ్యశ్రీ పథకాన్ని ప్రారంభించారని అన్నారు. దీన్ని ప్రపంచ దేశాలు ఎన్నో ప్రశంసించాయని అన్నారు.