కాంగ్రెస్, టిడిపిలతో పెట్టుకోం: అల్లు అరవింద్

న్యూఢిల్లీ: కాంగ్రెస్, తెలుగుదేశం పార్టీలతో పొత్తు పెట్టుకునేది లేదని చిరంజీవి బావ అల్లు అరవింద్ శనివారం ఢిల్లీలో స్పష్టం చేశారు. సిపిఎం నాయకుడు సీతారాం ఏచూరితో ఆయన సమావేశమై రాష్ట్రంలో రాజకీయ పరిస్ధితుల గురించి చర్చించారు. చిరంజీవి ప్రజాపార్టీని నమోదు చేసుకునే విషయంలో ఎన్నికల కమిషన్ కొన్ని అభ్యంతరాలు వ్యక్తం చేసినందువల్ల వాటికి తమ న్యాయవాదులతో సమాధానాలు చెప్పించే పని మీద అరవింద్ ఢిల్లీ వచ్చారు. పనిలో పనిగా ఆయన సిపిఎం జాతీయ నాయకులను కలుసుకున్నారు.

ఈనెల 16 న చిరంజీవి ప్రజారాజ్యం పార్టీ నమోదుపై ఎన్నికల సంఘం ఒక నిర్ణయం తీసుకోనుంది. ప్రజారాజ్యం పార్టీ నమోదుకు కావలసిన విధి విధానాలను సరిగా పాటించలేదని, వాటిని ఇప్పుడు సరిదిద్దుకోడానికి ప్రయత్నిస్తున్నారని తెలుస్తోంది.