రాజకీయాల్లో నటించను: చిరంజీవి

శ్రీకాకుళం: తాను సినిమాల్లో నటించానే గానీ, రాజకీయాల్లో నటించడం లేదని, రాజకీయ అవినీతి నిర్మూలనకు పోరాడుతానని చిరంజీవి చెప్పారు. సమాజంలోని అవినీతిని అంతమొందించేందుకు ప్రతి ఒక్కరూ ఠాగూర్‌ సినిమాలోని కథానాయకుడిలా పోరాడాలని ప్రజారాజ్యం పార్టీ అధినేత చిరంజీవి అన్నారు. శ్రీకాకుళం జిల్లా మందసలో జరిగిన రోడ్‌షోలో పాల్గొన్న ఆయన మాట్లాడుతూ అవినీతిని నిర్మూలించినపుడు అభివృద్ధిసాధ్యమన్నారు.

ఓటర్ల జాబితాలో నుంచి భారీ స్థాయిలో ఓట్లు గల్లంతవడంపై ఆయన ఆందోళన వ్యక్తం చేశారు.యువత ప్రజారాజ్యంకు మద్దతిస్తున్నందువల్ల జాబితా నుంచి తొలగించివుండవచ్చన్న అనుమానాన్ని ఆయన వ్యక్తం చేశారు. దీనిపై ఎన్నికల సంఘానికి ఫిర్యాదు చేయనున్నట్టు ఆయన వెల్లడించారు.