ఎప్పుడైనా తెలంగాణ ప్రకటన: మొయిలీ

న్యూఢిల్లీ: ఏ క్షణంలోనైనా తెలంగాణపై తమ నిర్ణయాన్ని ప్రకటిస్తామని కాంగ్రెస్ ఆంధ్రప్రదేశ్ వ్యవహారాల ఇంచార్జీ వీరప్ప మొయిలీ అన్నారు. తెలంగాణ సమస్యను పరిష్కరించే సత్తా తమకు మాత్రమే ఉందని ఆయన మంగళవారం మీడియా ప్రతినిధులతో అన్నారు. తెలంగాణపై నిర్ణయం ప్రకటించే విషయంలో తెలుగుదేశం పార్టీ చాలా ఆలస్యం చేసిందని ఆయన అన్నారు. తెలంగాణపై, చిరంజీవి ప్రభావంపై తాను ముఖ్యమంత్రి డాక్టర్ వైయస్ రాజశేఖర రెడ్డితో చర్చించినట్లు ఆయన తెలిపారు.

ప్రజారాజ్యం అధినేత చిరంజీవికి అభిమానులు చాలా మంది ఉన్నారని, సభలకు వస్తున్నవారంతా సినీ అభిమానులేనని ఆయన అన్నారు. చిరంజీవికి తామేమీ భయపడడం లేదని ఆయన అన్నారు. తాము చాలా బలంగా ఉన్నామని, తమని ఎవరూ కదిలించలేరని ఆయన అన్నారు. చిరంజీవిని చూసి తాము కంగారు పడడం లేదని ఆయన అన్నారు. పొత్తులకు ఇంకా సమయం రాలేదని ఆయన అన్నారు. వామపక్షాల వైఖరేమిటో తెలియడం లేదని ఆయన అన్నారు.