జయసుధకు కాంగ్రెస్ తీర్థం

హైదరాబాద్: ప్రముఖ సినీ నటి జయసుధ బుధవారం కాంగ్రెస్ తీర్థం తీసుకున్నారు. ముఖ్యమంత్రి డాక్టర్ వైయస్ రాజశేఖర రెడ్డి, ప్రదేశ్ కాంగ్రెస్ కమిటీ (పిసిసి) అధ్యక్షుడు డి. శ్రీనివాస్ సమక్షంలో ఆమె కాంగ్రెస్ పార్టీలో చేరారు. ప్రజాసేవ చేయడానికి రాజకీయాలే మార్గమని, అందుకే తాను కాంగ్రెస్ పార్టీలో చేరుతున్నానని ఆమె అంతకు ముందు మీడియా ప్రతినిధులతో అన్నారు. ముఖ్యమంత్రి డాక్టర్ రాజశేఖర రెడ్డి చేస్తున్న సామాజిక సేవను చూసి తాను రాజకీయాల్లో చేరినట్లు ఆమె చెప్పారు. ఏ ముఖ్యమంత్రీ చేయలేని పనులు రాజశేఖర రెడ్డి చేశారని ఆమె అన్నారు.

సినీ ఆకాశం నుంచి దిగి వచ్చిన తర్వాతనే పేదల కష్టాల తీరాయని, తాను వారి కోసం మంచి పనులు ఎందుకు చేయకూడదనే అలోచన వచ్చిందని ఆమె చెప్పారు. సేవ అనే దాన్ని ఆచరణలో చూపాలని, అప్పుడు ఫలితం ఉంటుందని ఆమె అన్నారు. తనకు సహజంగా ఏది అనిపిస్తే అది మాట్లాడుతానని ఆమె చెప్పారు.