మరో భారతీయుడికి బుకర్ ప్రైజ్

లండన్: భారత రచయిత అరవింద్ ఆడిగాకు బుకర్ ప్రైజ్ వచ్చింది. తొలి నవలకే ఆయనకు ఈ అవార్డు రావడం విశేషం. ది వైట్ టైగర్స్ అనే నవలకు 2008 సంవత్సరానికి గాను ఆయనకు ఈ 50 వేల పౌండ్ల అవార్డు లభించింది. తొలి నవలకే బుకర్ ప్రైజ్ ను ఇంతకు ముందు డిబిసి పీరై, అరుంధతీ రాయ్ ఉన్నారు. 33 ఏళ్ల అరవింద్ అడిగా చిన్నప్పటి నుంచి నవల రాయాలని అనుకుంటూ ఉండేవాడు. చెన్నైలో పుట్టిన ఆయన ప్రస్తుతం ముంబయిలో ఉంటున్నారు.

భారత గ్రామీణ జీవితం నుంచి ఔత్సాహిక పారిశ్రామిక వేత్తగా ఒక వ్యక్తి చేసిన ప్రయాణాన్ని ఈ నవల ఇతివృత్తం. పునాది స్థాయి నుంచి భారత పరిస్థితులను చిత్రీకరించిన నవలగా సమీక్షకులు ఆ నవలను ప్రశంసించారు. బుకర్ ప్రైజ్ లభించినవారిలో అడిగా నాలుగో భారతీయుడు. ఇంతకు ముందు సాల్మన్ రష్డీ, అరుంధతీ రాయ్, కిరణ్ దేశాయ్ ఈ అవార్డును పొందారు. వి.ఎస్. నైపాల్ మాత్రం భారత సంతతికి చెందినవారు. భారత వాతావరణాన్ని, స్ఫూర్తిని వ్యక్తీకరించి బుకర్ ప్రైజ్ సాధించిన నవలల్లో ది వైట్ టైగర్స్ తొమ్మిదోది.