తెలంగాణపై బిజెపి ప్రైవేట్ బిల్లు

న్యూఢిల్లీ: పార్లమెంటులో భారతీయ జనతా పార్టీ (బిజెపి) తెలంగాణ రాష్ట్రం ఏర్పాటుకు ప్రైవేట్ బిల్లును ప్రతిపాదించింది. దీనికి లోకసభ స్పీకర్ సోమనాధ్ చటర్జీ చర్చకు అనుమతించారు. దీనిపై ఈ నెల 24వ తేదీన చర్చ జరిగే అవకాశం ఉంది. ప్రజా ప్రయోజనాలకు చెందిన అంశాలను ప్రభుత్వ దృష్టికి తెచ్చేందుకు ప్రతిపక్షాలకు ప్రైవేట్ బిల్లు ప్రతిపాదించే అవకాశం ఉంటుంది. దానికి అనుగుణంగా బిజెపి తెలంగాణపై ప్రైవేట్ బిల్లును ప్రతిపాదించింది.

ప్రైవేట్ బిల్లుపై చర్చలో బిజెపితో పాటు తెలుగుదేశం, తెలంగాణ రాష్ట్ర సమితి, సిపిఐ పాల్గొనే అవకాశం ఉంది. ఈ పార్టీలు తెలంగాణ రాష్ట్ర ఏర్పాటును సమర్థిస్తూ మాట్లాడే అవకాశం ఉంది. సిపిఎం ఏం చేస్తుందో తెలియదు. అయితే కాంగ్రెస్ మాత్రం తటస్థంగా ఉండే అవకాశం ఉందని భావిస్తున్నారు. తెలంగాణపై ఇప్పటి వరకు కాంగ్రెస్ ఎటూ తేల్చలేదు.