టిడిపి కోసం మేమంతా ఒక్కటే: కళ్యాణ్ రామ్

విజయవాడ: చంద్రబాబు రాష్ట్ర ముఖ్యమంత్రి కావాలనే తామంతా కోరుకుంటున్నామని, 2009 ఎన్నికల్లో చంద్రబాబును సీఎం చేసేందుకు తమ కుటుంబమంతా కృషి చేస్తుందని హీరో నందమూరి కల్యాణ్ రామ్‌ అన్నారు. టీడీపీని అధికారంలోకి తీసుకుని రావటమే నందమూరి కుటుంబం లక్ష్యమని అన్నారు. తమ కుటుంబంలో విభేదాలు ఉన్నాయంటూ వస్తున్న వార్తల్లో నిజం లేదని ఆయన చెప్పారు.

భవిష్యత్తులో బాలకృష్ణ సీఎం అయితే చూడాలని ఉందని తారకరత్న బాలయ్యపై ఉన్న అభిమానంతో అన్నారు తప్ప ఇంకేం లేదని అన్నారు. కృష్ణా జిల్లా గన్నవరం నియోజకవర్గంలో పర్యటిస్తున్న ఆయన మీడియాతో మాట్లాడుతూ గుంటూరులో జరగబోయే యువ గర్జనకు నందమూరి హీరోలు అంతా హాజరవుతున్నారని అన్నారు