జురాసిక్ పార్క్ రచయిత మృతి

లాస్ ఏంజెల్స్‌: బెస్ట్ సెల్లర్ జురాసిక్ పార్క్ రచయిత మైకెల్ క్రిచ్టన్ లాస్ ఏంజెల్స్ లో కన్ను మూశారు. ఆయన వయస్సు 66 ఏళ్లు. చాలా కాలంగా ఆయన క్యాన్సర్ తో బాధపడుతున్నారు. క్రిచ్టన్ 1942 అక్టోబర్ 23వ తేదీన చికాగోలో జన్మించారు. ఆయన జురాసిక్ పార్క్ తో పాటు ది ఆండ్రమెడా స్ట్రెయిన్, కోంగో, ది టెర్మినల్ మ్యాన్, ప్రే అండ్ స్టేట్ ఆఫ్ ఫియర్ వంటి రచనలు చేశారు.

వెస్ట్ వరల్డ్, కోమాలతో పాటు ఆరు సినిమాలు రూపొందించారు. టీవీ సిరీస్ ఇఆర్ లో కూడా ఆయన పాలు పంచుకున్నాడు. కొంత కళ్లతో ప్రపంచ అద్భుతాలను చూసే స్ఫూర్తిని క్రిచ్టన్ అందించారని, మంచి భర్తగా, మంచి తండ్రిగా, మంచి మిత్రుడిగా ఆయన భార్య షెర్రీ, కూతురు టైలర్, ఆయన మిత్రులు భావిస్తారు. రచయితగా ఆయన అన్ని వయస్సుల విద్యార్థులకు స్ఫూర్తినందించాడు. ప్రపంచంలోని అద్భుతాలను అర్థం చేసుకునే విషయంలో ఆయన శాస్త్రవేత్తలకు సవాల్ గా నిలిచాడు.