బాలయ్య యువగర్జన ఓ షో: జయసుధ

హైదరాబాద్‌: కాంగ్రెస్‌లో చేరిన సినీనటులకురాష్ట్ర కాంగ్రెస్‌ పార్టీ అధ్యక్షుడు డి.శ్రీనివాస్‌ మంగళవారం ఉదయం అల్పాహార విందు ఇచ్చారు. ప్రభుత్వం చేపట్టిన పలు సంక్షేమపథకాలను ప్రజల్లోకి ఎలా తీసుకుని వెళ్లాలనే విషయంపై చర్చ జరిపారు. అనంతరం సినీ నటి జయసుధ మాట్లాడుతూ రాజకీయ పార్టీలు వేటి తీరులో అవి ప్రచారం చేస్తాయని, తమ ప్రచారం అందుకు భిన్నమని అన్నారు.

మార్పు సాధిస్తామని ప్రజారాజ్యం అధినేత చిరంజీవి చెప్పటంలో తప్పు లేదన్నారు. యువగర్జనపై విలేకరులు ప్రశ్నించగా అది ఓ మంచి ప్రదర్శన అని అన్నారు. సినీనటులకు తమ పార్టీ తాయిలాలు ఇస్తోందని మీడియాలోని ఓ వర్గం దుష్ప్రచారం చేస్తోందని పీసీసీ ప్రధాన కార్యదర్శి అంబటి రాంబాబు అన్నారు. సినీ ప్రముఖులు జీవిత, రాజశేఖర్ వంటి పలువురు కాంగ్రెస్ పార్టీకి వచ్చే ఎన్నికల్లో ప్రచారం చేయడానికి సిద్ధపడిన విషయం తెలిసిందే.