కష్టాల్లో జయప్రద సోదరుడు

చెన్నై: ప్రముఖ సినీ నటి, సమాజ్ వాదీ పార్టీ పార్లమెంటు సభ్యురాలు జయప్రద సోదరుడు రాజుబాబు (59) కష్టాల్లో పడ్డారు. రాజుబాబు వరకట్నం వేధింపులకు పాల్పడుతున్నాడని, తన కుమారుడిని తీసికెళ్లి తనను చూడనివ్వడం లేదని ఆయన భార్య నగర పోలీసు కమీషనర్ కు ఫిర్యాదు చేసింది. తన కుమారుడు రాజుముత్తు (8)ను చూపించాలని అడుగుతున్నాడని, అయితే తన కుమారుడిని చంపేస్తానని బెదిరించాడని వెలాచెరీకి చెందిన 33 ఏళ్ల ఉషా ఆరోపిస్తోంది.

వరకట్న వేధింపులను భరించలేక తాను 2006 జనవరిలో అత్తగారింటి నుంచి పారిపోయి తన తల్లి విజయసుందరం చెంతకు చేరుకున్నానని, అప్పటి నుంచి తన కుమారుడిని అప్పగించకపోతే తనను, తన తల్లి చంపేస్తానని తన తల్లికి ఫోన్ చేసి బెదిరిస్తున్నాడని ఉష చెబుతోంది.