మన్మోహన్ కు ఒబామా ఫోన్ కాల్

న్యూఢిల్లీ: అమెరికా అధ్యక్షుడిగా ఎన్నికైన బరాక్ ఒబామా బుధవారం ఉదయం ప్రధాని డాక్టర్ మన్మోహన్ సింగ్ కు ఫోన్ చేసి పలకరించారు. భారత - అమెరికా సంబంధాలపై ఒబామా మన్మోహన్ తో మాట్లాడారు. పలు రంగాల్లో ఇరు దేశాలు కలిసి పనిచేయడానికి అవకాశం ఉందని ఒబామా అన్నారు. భారత, అమెరికాల మధ్య వ్యూహాత్మక భాగస్వామ్యం అత్యంత ముఖ్యమైందని ఆయన అభిప్రాయపడ్డారు.

ప్రపంచంలోని 15 దేశాల అధిపతులతో మాట్లాడిన ఒబామా మన్మోహన్ సింగ్ ను మాత్రం పలకరించలేదని పెద్ద యెత్తున వార్తలు వచ్చాయి. అయితే, ఒబామా తనకు ఫోన్ చేశారని, తనకు సమయం కుదరకపోవడం వల్లనే మాట్లాడలేకపోయానని ప్రధాని మన్మోహన్ సింగ్ ఓమన్, ఖాతర్ పర్యటనను ముగించుకుని భారత్ కు తిరిగి వస్తూ విలేకరులతో చెప్పారు. తాను ప్రయాణంలో ఉండడం వల్ల ఒబామా ఫోన్ చేసినప్పుడు అందుకోలేకపోయానని ఆయన అన్నారు.