ఎన్డీయెదే విజయం: అద్వానీ

హైదరాబాద్: వచ్చే ఎన్నికల్లో జాతీయ ప్రజాస్వామ్య కూటమి (ఎన్డీయే)దే అధికారమని భారతీయ జనతా పార్టీ అగ్రనేత ఎల్.కె. అద్వానీ అన్నారు. సికింద్రాబాదులోని పరేడ్ గ్రౌండ్స్ లో ఏర్పాటైన విజయ సంకల్పయాత్ర బహిరంగ సభలో పాల్గొనడానికి ఆయన గురువారం సాయంత్రం నగరానికి వచ్చారు. సభలో తెలంగాణతో పాటు పలు రాష్ట్ర సమస్యలపై మాట్లాడతానని ఆయన మీడియా ప్రతినిధులతో అన్నారు. విజయసంకల్పయాత్ర బహిరంగ సభ గురువారం సాయంత్రం ప్రారంభమైంది. ఈ సభాస్థలికి అద్వానీ చేరుకున్నారు.

విజయసంకల్పయాత్ర బహిరంగ సభకు బిజెపి పెద్దయెత్తున ఏర్పాట్లు జరిగాయి. కమలం ఆకారంలో వేదిక ఏర్పాటు చేశారు. మృతి చెందిన రైతుల, చేనేత కార్మికుల కుటుంబాలతో ఒక ప్రదర్శనను ఏర్పాటు చేశారు. సభకు బిజెపి కార్యకర్తలు పెద్ద యెత్తున తరలి వచ్చారు. బిజెపిలో కొత్తగా చేరిన వేయి మంది న్యాయవాదులు కూడా సభా వేదిక సమీపంలో ఉన్నారు. సభకు భారీ బందోబస్తు ఏర్పాటు చేశారు.