పిల్లలతో కలిసి జయసుధ నృత్యం

విజయవాడ: పిల్లలతో కలిసి ప్రముఖ సినీ నటి, కాంగ్రెస్ నాయకురాలు జయసుధ నృత్యం చేశారు. విజయవాడలో కాంగ్రెస్ పార్లమెంటు సభ్యుడు లగడపాటి రాజగోపాల్ ల్యాంకో ఫౌండేషన్ బాలల దినోత్సవం సందర్భంగా ఏర్పాటు చేసిన కార్యక్రమంలో ఆమె పాల్గొన్నారు. ఈ కార్యక్రమంలో దాదాపు 15 వేల మంది పిల్లలు పాల్గొన్నారు. ఇంత మంది పిల్లలను ఒకే చోట చూడడం ఆనందంగా ఉందని జయసుధ అన్నారు.

చాచా నెహ్రూ చిత్రపటానికి ఆమె పూలమాల వేసి శ్రద్ధాంజలి ఘటించారు. అనంతరం జాతీయ జెండాను ఆవిష్కరించారు. శాంతికి చిహ్నంగా పావురాలను ఎగురవేశారు. ఆ తర్వాత పిల్లలతో కలిసి చక్ దే ఇండియా పాటకు నృత్యం చేశారు. పిల్లలతో ఆమె చాలా సేపు గడిపారు.