ఒబెరాయ్ బందీలు 30 సురక్షితం

ముంబయి: ఒబెరాయ్ హోటల్లోని 30 మందిని జాతీయ భద్రతా దళాలు శుక్రవారం రక్షించాయి. వారిని బయటకు తీసుకుని వచ్చారు. వారిలో ఎక్కువ మంది విదేశీయులే ఉన్నారు. కెనడా జెండాలు ధరించిన కొంత మంది లగేజీతో బయటకు వచ్చారు. వారు మీడియా ప్రతినిధులతో ఒక్క మాట కూడా మాట్లాడలేదు. చిన్న బేబీతో చెఫ్ యూనిఫారంలో ఒక వ్యక్తి కూడా బయటకు వచ్చాడు. నారిమాన్ హౌస్ లో తీవ్రవాదుల చెరలో నలుగురు ఉన్నట్లు అనుమానిస్తున్నారు.

తాజ్ హోటల్లోని బందీలందరినీ కాపాడినట్లు అంతకు ముందు ముంబయి పోలీసు కమీషనర్ హసన్ గఫూర్ చెప్పారు. హోటల్లో ఉగ్రవాదులు ఉన్నారా, లేరా అనే విషయం చెప్పడానికి ఆయన నిరాకరించారు. నారిమాన్ హౌస్ లో మిలిటెంట్లకు, కమెండోలకు మధ్య భీకర పోరు సాగుతోంది. నారిమాన్ హౌస్ లో ఒక కమెండో గాయపడ్డాడు.