ఇళ్ల అప్పులపై వడ్డీ రేట్ల తగ్గింపు

ముంబయి: గృహరుణాలపై ప్రభుత్వ రంగ బ్యాంకుల వడ్డీరేట్లు తగ్గనున్నాయి. ఈమేరకు బ్యాంకుల సంఘం ఓ ప్రకటన చేసింది. 5 లక్షల రూపాయలలోపు రుణాలకు ఇక వడ్డీ 8.5 శాతం, 20 లక్షల లోపు రుణాలకు 9.25 శాతంగా ఉంటుంది. 5 లక్షలలోపు రుణాలకు ప్రీపేమెంట్‌, ప్రాసెసింగ్‌ ఛార్జిలు ఉండవు. ఈ పరిధిలోని రుణాలకు బీమా, ఇన్సూరెన్స్‌లను బ్యాంకులే భరిస్తాయి.

ప్రభుత్వం ప్రకటించిన ఉద్దీపన పథకం నేపథ్యంలో ఈ రెండు స్కీంల కింద వడ్డీ రేట్లను తగ్గిస్తున్నట్లు ఎస్బీఐ చైర్మన్ ఒపి భట్ చెప్పారు. ఈ స్కీంల కింద జూన్ 30వ తేదీ వరకు రుణాలు ఇవ్వనున్నట్లు ఆయన చెప్పారు. ఐదేళ్ల కాల పరిమితి ఉంటుందని, ఆ తర్వాత మార్కెట్ పరిస్థితులను బట్టి అప్పులు తీసుకునే వారు ఫ్రీ లేదా ఫ్లోటింగ్ రేట్లను ఎంచుకోవాలని ఆయన సూచించారు. ఐసిఐసిఐ, హెచ్ డిఎఫ్ సి బ్యాంకులు కూడా వడ్డీ రేట్లను తగ్గించడానికి ముందుకు వస్తున్నట్లు సమాచారం.