వైయస్ 'చీప్' మినిస్టర్: హరికృష్ణ

కడప: ముఖ్యమంత్రి డాక్టర్ వైయస్ రాజశేఖర రెడ్డిని 'చీప్' మినిస్టర్ గా తెలుగుదేశం పార్లమెంటు సభ్యుడు నందమూరి హరికృష్ణ వ్యాఖ్యానించారు. దేశంలోని ముఖ్యమంత్రులలో వైఎస్‌ రాజశేఖరరెడ్డి'ఆల్‌ఫ్రాడ్‌ సీఎం' గా ఖ్యాతి గడించారని ఆయన వ్యాఖ్యానించారు. .కడపజిల్లా ప్రొద్దుటూరులో కాం గ్రెస్‌ నేత రాచమల్లు ప్రసాద్‌రెడ్డి సో మవారం తెలుగుదేశం పార్టీలో చేరిన సందర్భం గా నిర్వహించిన బహిరంగ స భలో ఆయన మాట్లాడారు. కుటుంబసభ్యులు, అను యాయుల కోసమే నడుస్తున్న వైఎస్‌ ప్రభుత్వానికి చరమగీతం పాడేందు కు ప్రజలు సిద్ధంగా ఉన్నారన్నారు. రాష్ట్రంలో కమీషన్ల పాలన సాగుతోందని ఆయన అన్నారు.

వైఎస్‌ కుటుంబం అవినీతి డబ్బుతో పరిశ్రమలు, పత్రికలు ఏర్పా టు చేసిందని తెలుగుదేశం పార్లమెంటు సభ్యుతడు కె. ఎర్రంనాయుడు ఆరోపించారు. చివరకు కాంగ్రెస్‌ ప్రజాప్రతినిధులు కూడా అవినీతిని ప్రశ్నించే సాహసం చేయలేకపోతున్నారని రాజ్యసభ సభ్యుడు ఎంవి మైసూరా రెడ్డి అన్నారు. అన్నింటికీ ఇందిరా గాంధీ పేరుపెట్టే వైఎస్‌ బెల్టు షాపులకు సోనియాగాంధీ పేరు పెడితే మేలని తెలుగు మహిళ అధ్యక్షురాలు రోజా వ్యంగ్యాస్త్రం విసిరారు. రాష్ట్రం లో మంచినీరు దొరకని ప్రాంతాల్లో కూడా బెల్టుషాపులు పెట్టించిన ఘనత వైఎస్‌కే దక్కిందన్నారు.