సొంతగడ్డపై సిఎం క్రిస్మస్ ప్రార్ధనలు

కడప: ముఖ్యమంత్రి డాక్టర్‌ వైఎస్‌ రాజశేఖర్‌రెడ్డి గురువారం సొంత నియోజకవర్గం పులివెందులలో పర్యటిస్తున్నారు. ఉదయం పులివెందులలో సిఎస్‌ఐ చర్చిలో జరిగే క్రిస్మస్‌ వేడుకల్లో కుటుంబ సభ్యులతో పాల్గొని ప్రార్థనలు జరిపారు. ఈ సందర్భంగా దేశ ప్రజలకు సందేశాన్నిచ్చారు. ఏసుక్రీస్తు ప్రబోధించిన శాంతి, అహింస, పరస్పర సానుభూతి వంటి మానవతా విలువలు అన్ని కాలాలకు, అన్ని తరాలకు వర్తించే సార్వ జనీన జీవన సత్యాలని పేర్కొన్నారు. అనంతరం వైఎస్‌ పలు అభివృద్ధిపనులు, ప్రారంభోత్సవాలతోపాటు శంకుస్థాపనలు చేయనున్నారు.