యాసిడ్‌ బాధితురాలు స్వప్నిక మృతి

వరంగల్‌:యాసిడ్‌ దాడికి గురై సికింద్రాబాద్‌‌ యశోద ఆస్పత్రిలో చికిత్స పొందుతున్న ఇంజనీరింగ్‌ విద్యార్ధిని స్వప్నిక ఈరోజు(బుధవారం) తెల్లవారు ఝామున 5.15గం. లకు మరణించింది. మంగళవారం ఆమె పరిస్థితి ఆందోళనకరంగా మారడంతో ఆమెకు వెంటిలేటర్‌ ఏర్పాటు చేసి అత్యవసర వైద్య చికిత్సలు చేశారు. ఆమె ఊపిరితిత్తులకు ఇన్‌ఫెక్షన్‌ సోకడంతో ఊపిరి పీల్చుకోవడం ఇబ్బందికరంగా మారిందని, కృత్రిమ శ్వాసను ఏర్పాటు చేశామని శస్త్ర చికిత్స చేసిన వైద్యులు తెలిపారు.

అయితే యాసిడ్‌ దాడితో అవయవాలు బాగా కాలడం వ లన ఇనఫెక్షన్లు సోకాయని, ఆమెకు ఇన్‌ఫెక్షన్‌ మెదడు వరకు వ్యాపించిందని దీనివల్లనే స్వప్నిక మృతి చెందిందని వైద్యులు తెలిపారు. స్వప్నిక మృతదేహాన్ని ఈ రోజు మధ్యాహ్నం వరంగల్‌కు తరలించేందుకు ఏర్పాట్లు చేస్తున్నారు. ఈ రోజు సాయంత్రం వరంగల్‌లో అంత్యక్రియలు నిర్వహిస్తున్నట్టు కుటుంబ సభ్యులు తెలియజేశారు.