చిరంజీవి చిత్తూరు జిల్లా పర్యటన

చిత్తూరు: ప్రజారాజ్యం పార్టీ అధ్యక్షుడు చిరంజీవి మూడు రోజులపాటు చిత్తూరు జిల్లాలో పర్యటించనున్నారు. ఈరోజు కుప్పం, పలమనేరు నియోజకవర్గాల్లో ఆయన పర్యటిస్తారు. దీనికోసం కార్యకర్తలు, నేతలు అన్ని ఏర్పాట్లు చేశారు. ఈ సందర్భంగా ఏర్పటుచేసే సభకు చిత్తూరు నుంచే కాక, సరిహద్దు తమిళనాడు, కర్నాటక నుంచి కూడా పెద్ద సంఖ్యలో అభిమానులు ఇప్పటికే అక్కడికి చేరుకున్నారు.

నిన్న వివిధ పార్టీల నాయకులు హైదరాబాద్ లో ప్రజారాజ్యం కార్యాలయంలో చిరంజీవి సమక్షంలో పార్టీలో చేరారు. టీఅర్ ఎస్ రాష్ట్ర కార్యదర్శి ఈశ్వరప్రగడ హరిబాబు, తెలుగుదేశం మాజీ మంత్రి పడాల భూమన్న, యువజన కాంగ్రెస్ ప్రధాన కార్యదర్శి శ్రీనివాసరావు, నగర కాంగ్రెస్ ఉపాధ్యక్షుడు పోలిశెట్టి కృష్ణారావు, కడప జిల్లాకు చెందిన తెలుగుదేశం నాయకుడు కదిరి నాగేంద్ర ప్రసాద్ తదితరులు ప్రజారాజ్యం తీర్ధం పుచ్చుకున్నారు.