రాజస్థాన్ రాయల్స్ లో శిల్పా వాటా

ముంబై: ట్వంటీ 20 ఇండియన్ ప్రీమియర్ లీగ్ (ఐపియల్) రాజస్థాన్ రాయల్స్ కు సినీ గ్లామర్ తోడైంది. రాజస్థాన్ రాయల్స్ జట్టులో బాలీవుడ్ నటి శిల్పా శెట్టి, అమె వ్యాపార భాగస్వామి రాజ్ కుంద్రా 12 శాతం వాటాను తీసుకున్నారు. రాజస్థాన్ రాయల్స్ జట్టులో షేన్ వార్న్, గ్రేమ్ స్మిత్, షేన్ వాట్సన్ వంటి హేమాహేమీలున్నారు.

శిల్పాశెట్టి, లండన్ చెందిన కుంద్రా దాదాపు 12 శాతం వాటాను కొనుక్కున్నారని రాజస్థాన్ రాయల్స్ జట్టు యజమాని మనోజ్ బదాలే చెప్పారు. ఐపియల్ టీంలో వాటాను కొనుక్కున్న మూడో బాలీవుడ్ తార శిల్పా శెట్టి షారూఖ్ ఖాన్, ప్రీతి జింటా ఇప్పటికే ఐపియల్ లో జట్టుల్లో వాటాలు తీసుకున్నారు. తాను జట్టును ప్రమోట్ చేస్తానని శిల్పా శెట్టి చెప్పారు. రాజస్థాన్ రాయల్స్ జట్టులో వాటా తీసుకోవడం తనకు గర్వకారణమని ఆమె అన్నారు.