• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

చంద్రబాబు నసిగారు: రోశయ్య

By Staff
|

Rosaiah
హైదరాబాద్: మిగతా సంస్థలతో పాటు హెరిటేజ్ పై మనీ లాండరింగ్ చట్టం కింద చర్యలు చేపట్టాలని కేంద్రానికి రాయనున్నట్లు చెప్పినప్పుడు తెలుగుదేశం పార్టీ అధ్యక్షుడు నారా చంద్రబాబు నాయుడు నసిగారని రాష్ట్ర ఆర్థిక మంత్రి కె.రోశయ్య చెప్పారు. మిగతా సంస్థల గురించి రాస్తానని చెప్పినప్పుడు ఉత్సాహంగా రాయండని చంద్రబాబు అన్నారని, హెరిటేజ్ పై కూడా రాస్తామని చెప్పినప్పుడు నసిగారని ఆయన అన్నారు. చంద్రబాబు ఎలా తల ఊపి మాట్లాడింది ఆయన నటించి చూపారు. రోశయ్య మంగళవారం ఉదయం చంద్రబాబుతో భేటీ అయ్యారు. అనంతరం ఆయన మీడియా ప్రతినిధులతో మాట్లాడారు.

మనీ లాండరింగ్ బిల్లును తాను శాసనసభలో ప్రవేశపెట్టానని చంద్రబాబు చెప్పారని, ఆ మాట విని తనకు రాత్రి నిద్ర పట్టలేదని, తనకు ఇంత మతిమరుపు ఎలా వచ్చిందని రాత్రంతా ఆలోచిస్తూ ఉండిపోయానని, అయితే ఆ చట్టాన్ని కేంద్ర ప్రభుత్వం తెచ్చిందని తెలుసుకున్నానని, ఈ విషయాన్ని వివరించడానికే తాను చంద్రబాబును కలిశానని, తన వైఖరిని సరి చేసుకోవాలని చంద్రబాబుకు తాను చెప్పానని ఆయన వివరించారు. చంద్రబాబు వద్దకు శిక్షణకు వస్తానని తాను చెప్పినట్లు ఆయన తెలిపారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X