చిరంజీవిపై మరో కేసు: ఉద్రిక్తత

నరసరావు పేట: చిరంజీవిపై నరసరావు పేట పోలీసులు కేసు నమోదు చేశారు. తమ అభిమాన నాయకుడిపై కేసు నమోదు చేయడాన్ని ఆగ్రహించిన అభిమానులు నరసరావుపేటలో ఆందోళనకు ఉద్యుక్తమయ్యారు. నరసరావు పేట రోడ్‌ షోలో నిబంధనలు ఉల్లంఘించి నిర్ణీత సమాయానికి మించి మాట్లాడారన్నది పోలీసుల అభియోగం.

చిరంజీవిపై 188, 283, 290 సెక్షన్ల కింద నమోదు చేసిన మాట వాస్తవమేనని పోలీసులు కూడా ధ్రువీకరించారు. తొలుత రోడ్‌ షోలో పాల్గొన్నందుకు చిరంజీవిపై కేసు నమోదు చేశారన్న వదంతులు వ్యాపించాయి. దీనితో పోలీసులు విలేఖర్ల సమావేశం ఏర్పాటు చేసి , అర్థరాత్రి దాటిన తర్వాత ప్రసంగించడంతోనే కేసు నమోదు చేసినట్లు వివరించారు.