ప్రేమికులపై కళ్లు: వారికి సంకెళ్ళు

భోపాల్‌: నగరమంతా తిరుగుతూ వాలెంటైన్స్‌ డేకు వ్యతిరేకంగా ప్రచారం చేస్తూ ప్రేమికులకు ఇబ్బందులు కలిగిస్తున్న 46 మంది వ్యక్తులను పోలీసులు అదుపులోకి తీసుకున్నారు. వీరిలో 35 మంది శివసైనికులు కాగా, మరో ఆరుగురు ఇతర హిందూ సంస్థలకు చెందినవారని పోలీసులు తెలిపారు. ఈ సారి ప్రేమికుల దినోత్సవానికి వ్యతిరేకంగా పెద్ద ఎత్తున ప్రచారం జరగడంతో అవాంఛనీయ సంఘటనలు జరగకుండా పోలీసులు ముందు జాగ్రత్త చర్యలు తీసుకున్నారనీ, పార్కుల్లో తిరుగుతూ యువ జంటలను ఇబ్బంది పెడుతున్న వ్యక్తులను అరెస్టు చేశామని గ్వాలియర్‌ ఎస్పీ యూకే సూర్యవంశి తెలిపారు.