• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కూటమిది ఉత్తి ప్రతాపమే: చిరు

By Staff
|

Chiranjeevi
కర్నూలు: ముఖ్యమంత్రి డాక్టర్ వైయస్ రాజశేఖర రెడ్డి అవినీతిపై మహా కూటమి నేతలు ఢిల్లీలో ప్రతాపం చూపించినంత మాత్రాన ఒరిగేదేమీ లేదని ప్రజారాజ్యం పార్టీ అధినేత చిరంజీవి వ్యాఖ్యానించారు. మహా కూటమి భిన్న దృక్పథాల కలయిక అని, కూటమిలోని పార్టీలకు ఉమ్మడి ఎజెండా లేదని ఆయన విమర్శించారు. కూటమిలోని తెలుగుదేశం, తెలంగాణ రాష్ట్ర సమితి (తెరాస), సిపిఎం, సిపిఐ ఒకే వేదిక మీదికి వచ్చి ఉమ్మడి ఎజెండాను ప్రకటిస్తే ప్రజలు నమ్మడానికి వీలుంటుందని, లేకుంటే ప్రజలు నమ్మబోరని ఆయన అన్నారు. తెలంగాణలో మహా కూటమికి పెద్దగా ఆదరణ లేదని ఆయన అన్నారు. కూటమిని తెలంగాణ ప్రజలు ఆమోదించడం లేదని ఆయన అన్నారు. కర్నూలు జిల్లా పర్యటనలో ఉన్న ఆయన గురువారం ఉదయం ఆళ్లగడ్డలో మీడియా ప్రతినిధులతో మాట్లాడారు.

తెలంగాణ అంశంపై మాట్లాడడానికి మాత్రమే నవ తెలంగాణ పార్టీ (ఎన్టీపి) నేత దేవేందర్ గౌడ్ బిజెపి అగ్రనేత అద్వానీని కలుస్తున్నారని, బిజెపితో పొత్తు పెట్టుకోవడానికి కాదని ఆయన ఒక ప్రశ్నకు సమాధానంగా చెప్పారు. తమ పార్టీ తెలంగాణలో కూడా బలోపేతమైందని ఆయన చెప్పుకున్నారు. రాష్ట్రంలో తమదే అతి పెద్ద పార్టీ అని, తమకు ఎన్నికల్లో ఒకే గుర్తు కేటాయించాలని ఎన్నికల కమీషన్ ను కోరుతామని ఆయన చెప్పారు. తాము ప్రజామోదం పొంది తీరుతామని ఆయన అన్నారు. ప్రజల కోసం అమలు చేసే కార్యక్రమాలు తమ వద్ద చాలా ఉన్నాయని, తాము ముందే ప్రకటిస్తే అధికార కాంగ్రెసు పార్టీ కాపీ కొట్టి అమలు చేస్తోందని, అందువల్ల ఎన్నికల కోడ్ అమలులోకి వచ్చిన తర్వాత ఆ కార్యక్రమాలను ప్రకటిస్తామని ఆయన అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X