కరీం తెల్గీకి ఏడేళ్ల జైలు శిక్ష

అహ్మదాబాద్: నకిలీ స్టాంపుల కుంభకోణం కేసులో ప్రధాన సూత్రధారి అబ్దుల్ కరీం తెల్గీకి అహ్మదాబాదులోని ప్రత్యేక సిబిఐ కోర్టు ఏడేళ్ల జైలు శిక్ష విధించింది. తెల్గీ సహాయకుడు సాదిక్ ఇబ్రాహింకు కూడా జ్యుడిష్యల్ మెజిస్ట్రేట్ ఎపి గోహిల్ అధ్యక్షతన గల ప్రత్యేక కోర్టు ఏడేళ్ల కారాగారవాస శిక్ష విధించిది. మరో సహాయకుడు సిద్ధార్థ్ అలియాస్ పీటర్ ఫెర్నాండెజ్ కు ఐదేళ్ల జైలు శిక్ష వేసింది.

తెల్గీ, సాదిక్ లకు 35 వేల రూపాయల జుర్మానా వేయగా, సిద్ధార్థ్ కు 30 వేల రూపాయల జుర్మానా వేసింది. గుజరాత్ లో నమోదైన నకిలీ స్టాంపుల కుంభకోణం కేసులో ఈ ముగ్గురు కూడా బుధవారంనాడు కోర్టు ముందు తమ నేరాన్ని అంగీకరించారు. ఈ కుంభకోణం మొదట మహారాష్ట్రలో వెలుగు చూసింది. ఈ కుంభకోణంతో ఆంధ్రప్రదేశ్ కు కూడా సంబంధం ఉంది.