చిరు మాకు పోటీయే కారు: బాలయ్య

తిరుపతి: ప్రస్తుత ఎన్నికల్లో రాష్ట్రంలో ప్రధానమైన పోటీ కాంగ్రెసు, తెలుగుదేశం పార్టీల మధ్యనే ఉంటుందని, చిరంజీవి నేతృత్వంలోని ప్రజారాజ్యం తెలుగుదేశం పార్టీకి పోటీ కాదని సినీ నటుడు, తెలుగుదేశం పార్టీ నాయకుడు బాలకృష్ణ కాంగ్రెస్ దళారుల పార్టీ ఆయన అని అన్నారు. ఆయన మంగళారంనాడు చిత్తూరు జిల్లాలో రోజా పోటీ చేస్తున్న చంద్రగిరి నియోజకవర్గంలో, పీలేరు నియోజక వర్గంలో రోడ్ షోలు నిర్వహించారు. కాంగ్రెసు నాయకులు పేదల రక్తంతో దాహం తీర్చుకుంటున్నారని ఆయన వ్యాఖ్యానించారు.

వైయస్ రాజశేఖర రెడ్డి చేపట్టిన జలయజ్ఞం ధన యజ్ఞంగా మారిందని ఆయన వ్యాఖ్యానించారు. కాంగ్రెసు నాయకులు భూకబ్జాలకు పాల్పడుతున్నారని ఆయన ఆరోపించారు. తెలుగుదేశం పార్టీ పూర్వ వైభవాన్ని సాధిస్తుందని సినీహీరో బాలకృష్ణ అన్నారు. చిత్తూరుజిల్లాలో రెండురోజుల పాటు ఆయన పర్యటిస్తున్నారు. అవినీతి కాంగ్రెస్‌ను ఓడించాలని ప్రజలకు పిలుపునిచ్చారు. రైతులకు గిట్టుబాటు ధర లభించడం లేదని, రైతులు ఆత్మహత్యలు చేసుకునే దుస్థితి కాంగ్రెసు పాలనలో దాపురించిందని ఆయన అన్నారు.