పవన్ ఈరోజు..

విజయనగరం: యువరాజ్యం అధినేత పవన్‌ కళ్యాణ్‌ జిల్లా పర్యటనకు ఈ రోజు (శుక్రవారం) వెళ్తున్నారు. ఉదయం తొమ్మిది గంటలకు విశాఖ నుంచి నేరుగా కొత్తవలస చేరుకొని అక్కడ బహిరంగ సభలో ప్రసంగిస్తారు. అనంతరం విజయనగరం 11 గంటలకు చేరుకొని స్థానిక ఆయోధ్యా మైదానంలో ఏర్పాటు చేసిన బహిరంగ సభలో ప్రసంగిస్తారు. అక్కడి నుంచి సాలూరు వెళ్తారు.

మధ్యాహ్నం మూడు గంటలకు సాలూరు సభలో ప్రసంగిస్తారు. ఐదు గంటలకు బొబ్బిలి బహిరంగ సభలో ప్రసంగిస్తారు. రాత్రి బొబ్బిలిలో బస చేస్తారు. నాలుగున ఉదయం తొమ్మిది గంటలకు పార్వతీపురంలోను 11 గంటలకు కురుపాంలోను బహిరంగ సభల్లో ఆయన పాల్గొంటారు. అనంతరం శ్రీకాకుళం జిల్లా పర్యటనకు బయలుదేరి వెళ్తారు. అయితే మొదట పవన్‌ కళ్యాణ్‌ రోడ్‌ షోల్లో పాల్గొనాల్సి ఉండగా, చివరి నిముషంలో బహిరంగ సభలు నిర్వహించడానికి పార్టీ నిర్ణయించింది.